Бөлүмдөр
Бейшемби, 18-октябрь
Жалал-Абад облусуАла-Бука району 28.01.2018 15:49 Жаңыланды: 28.01.2018 17:03 На русском

Ала-Букада кой кайтарып жүрүп, кыргыз-өзбек чек арасынан өтүп кеткен тургунга ок атылды

Turmush -  Жалал-Абад облусунун Ала-Бука районунда кой жайып жүргөн жаранга Өзбекстандын чек арачылары ок атып, ал учурда ооруканада жатат. Бул маалыматты Ала-Бука районунун акими Сонунбек Акбаралиев тастыктады.

Анын айтымында, окуя кечээ, 27-январда саат 18:30дар чамасында болгон. Кой жайып жүргөн тургун чек арадан өтүп кеткендиктен, коңшу өлкөнүн чек арачылары ок чыгарган.

«Ала-Бука районунун Көк-Серек айылынын 39 жаштагы тургуну кой кайтарып жүрүп, чек арадан өтүп кеткен. Ал жаран чек арачылардын токто дегенине карабай, качкандыгы үчүн ок чыгарышкан деп айтып жатат. Учурда ок тийген жараныбыз Өзбекстандын Чуст районунда ооруканада жатат. Ал жаранды чыгаруу аракети көрүлүүдө», - деди райондун акими.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×