Бөлүмдөр
Бейшемби, 18-октябрь
Жалал-Абад облусуАла-Бука району 27.12.2017 11:33

Ала-Букада 2 жарандан ок атуучу курал алынды (фото)

Turmush -  Жалал-Абад облусунун милициясы курал-жарактарды өз ыктыяры менен тапшыруу боюнча калк арасында түшүндүрүү иштерин улантууда. Бул тууралуу ОИИБдин басма сөз кызматы билдирди.

Маалыматка караганда, мындай иштердин жүрүшүндө Ноокен районунун тургуну милиция кызматкерлерине «ИЖ-12» куралын, Токтогул районунун тургуну чоң атасынан калган «К-16» куралын тапшырды.

Ошондой эле, Ала-Бука РИИБдин кызматкерлери 62 жаштагы М.Т. аттуу тургундун үйүн тинтүүдө (соттун чечими менен) 1959-жылы чыгарылган 16-калибрдеги ок атуучу курал тапкан. Мындан тышкары, Ала-Бука районунун 39 жаштагы тургуну А.Ж. жашаган үйдүн короосунан 1956-жылы чыгарылган 12-калибрдеги ок атуучу курал табылды.

Бардык алынган куралдар экспертиза жөнөтүлгөн. Акыркы 2 факт боюнча иликтөө иштери жүрүүдө.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×